Tolosa Goierri

Duatloiaren antolaketan laguntzeko boluntarioak behar dituzte

Larunbatean, hilak 12, jokatuko dute Zizurkilgo IV. Duatloia - Garaje Tolosa Saria. Euskadiko Txapelketan sartuta dago proba eta kirolari federatuek zein federatu gabeek parte hartu dezakete. Urtetik urtera parte-hartzea gora doa, eta aurten ere 150 korrikalaritik gora espero dira.

Horregatik, antolakuntza lanak aurrera ateratzeko boluntarioen laguntza ezinbestekoa dela azpimarratu dute. Laguntzeko prest daudenak antolakuntzarekin harremanetan jarri beharko dute Instagrameko @zizurkilgoduatloia edo Facebook-eko izen bereko perfilaren bidez. Boluntario guztiek Zizurkilgo Duatloiko kamiseta bat eta sorpresatxo bat eramango dute oroigarri gisa.