Tolosa Goierri

Dominika txabolan egonaldia erreserbatzeko aukera zabalik

Herritarrek Dominika Txabola erabiltzeko aukera izango dute aurten. Udalak jakinarazi duenez, martxoaren 16tik 31ra, ekainaren 16tik 30era, eta irailaren 16tik 30era bitartean egon daitezke bertan Segurako bizilagunak. Txabola erabiltzeko izen-ematea martxoaren 7ra arte egongo da zabalik, eta eskaera Udalean egin beharko da, datak zehaztuta.

Udalak azpimarratu du familia-unitate bakoitzeko pertsona bakar baten eskaera onartuko duela, herritar gehiagok txabolaz gozatzeko aukera izan dezan. Izena emandako guztien artean zozketa egingo da martxoaren 10ean, goizeko 10:00etan, udaletxean. Zozketan aukeratuak ez direnak itxaron zerrendan geratuko dira, plaza hutsik geratuz gero.