Dantzari Txikien eguna dela eta trafikoa etenda egongo da herrigunean

Iztueta Dantza Taldeak antolatutako XXXIII. Dantzari Txikien Eguna dela eta, gaur, 11:30etik 14:30era, trafikoa etenda egongo da Santa Fe kalean. Zehazki, Itoitz etxetik (Santa Fe 21) hasi eta Mariaundiraino (Santa Fe 45) bitarteko tartea izango da trafikorako itxita.

Ekitaldiaren ondorioz, garraio publikoa ere moldatuko da: autobusak Biloreko geltokira arte iritsiko dira eta bertatik irtengo dira Santa Fe kalea moztuta dagoen bitartean.

Udalak gidariei pazientziaz eta arretaz jokatzeko eskatzen die, eta, ahal bada, beste ibilbide batzuk erabiltzea gomendatzen da ekitaldiak irauten duen bitartean. Jaia ospatzeko antolatutako ekintzek kaleko espazioa hartuko dute, eta segurtasuna bermatzeko, ibilgailuen joan-etorria aldi baterako eten egingo da.