Tolosa Goierri

Dantzari Txiki Eguna giro ederrean

Dantza izan zen protagonista igandean Anoetan eta, bereziki, gaztetxoak. Ordiziako Amets Bide, Beasaingo Aurtzaka, Lezoko Murixka eta Tolosako Udaberrik parte hartu zuten aurten Anitz Dantza taldeko kideekin batera. Goizean kalejira egin zuten eta, amaieran, plazan dantza emanaldia eskaini zuten elkarrekin. Arratsaldean, berriz, anoetako dantzari gazteen ikuskizuna izan zen. Herritar eta lagun ugari elkartu ziren plazan gaztetxoen emanaldia ikusteko.