Tolosa Goierri

Danena kirol elkarteak ate irekiak egingo ditu ostiralean

Datorren denboraldiari begira, haur eta gurasoentzako ate irekiak antolatu ditu Danena kirol elkarteak maiatzaren 30 ostiralerako. Egitasmoa 2014 eta 2017 urte bitartean jaiotako gaztetxoei zuzenduta dago. Elbarrena futbol zelaian egingo dute 17:30etik aurrera, eta ondoren, haurrek futbolaz gozatzen duten bitartean, gurasoentzako bilera egingo dute 18:00etan. Era berean, 2025-2026 denboraldirako izena emateko aukera ere irekita dago jada. Informazio gehiagorako 627 008 569 telefonora deitu beharko da.

Aurten ere 'Oporretan euskaraz' udaleku irekiak antolatu ditu Udalak. Ekainaren 23tik uztailaren 18ra egingo dira, 4 eta 12 urte bitarteko haurrentzat. Izena emateko epea irekita dago ekainaren 2ra bitartean, udal-bulegoetan beta udalaren egoitza elektronikoaren bidez. Lehenengo haurrak 100 euroko kuota ordaindu beharko da eta bigarrenetik aurrera 80 euro. Informazio gehiagorako 943 691 012 telefonora deitu edo harrera@zizukil.eus helbidera idatzi beharko da.