San Blasetako pilota partiduen kantxako sarrerak salgai

Futbito txapelketako partidetako bat. /  ELORZA
Futbito txapelketako partidetako bat. / ELORZA

MC. ELORZA IDIAZABAL.

Datorren urtarrilaren 16 eta 17an, asteazkena eta osteguna, salgai jarriko dira otsailaren 2an larunbata, ospatuko den Binakako Txapelketako pilota partidarako kantxako sarrerak. Ezkurdia-Ladis Galarza eta Olaizola II-Albisu bikoteak nor baino nor arituko dira.

Sarrerak udaletxeko Areto Nagusian salduko dira ordutegi hauetan: asteazkenean, 13:00etatik 17:00etara eta ostegunean, 15:00etatik 17:00etara. Sarrera bakoitza 30 eurotan salduko da. Pertsona eta eguneko 6 sarrera hartu ahal izango dira gehienez ere. Sarrerak erosteko ilaratik txanda eman eta alde egiten duenak bere lekua galduko du. Ilara uzten bada ez da lekua errespetatuko. Ordutegi berdinean enpresak internetez sarreren %10 eskuragarri jarriko ditu.

Futbito txapelketa

Igandero daude San Blas jaietako herriko txapelketako torneoak. Hala, gaur 17:00etan: ATA-Anakleto, eta jarraian 18:00etan: Streen team-Gazteek. Epailea: Drink Team izango da.

Loteria ordainketa

Urtarrilaren 17 eta 18an egingo da saritutako loteriaren ordainketa Jubilatuen elkartea ordainketa, goizeko 10:30etik 12:00 etara (ezinbestekoa izango da partizipazioarekin elkartera joatea dirua jaso al izateko).