Tolosa Goierri

Bilera irekia Palestinarekin elkartasuna antolatzeko asteartean

Datorren asteartean, 18.30ean, bilera ireki bat burutuko da udaletxean, Palestinarekin elkartasun ekimen bat antolatzeko. Antolatzaileen arabera, «Palestinak jasaten duen egoeraren aurrean, beharrezkoa da elkartasun zabala eta iraunkorra sustatzea», eta horregatik, biltzeko beharra ikusi dute.

Deialdia Palestinaren egoerarekin kezkatuta dauden herritar guztiei zuzenduta dago, eta bertan ekintza posibleak eztabaidatuko dituzte. Helburua herritarren aktibazioa eta elkartasun ekimen bat martxan jartzea da.

Ataungo herritarrei eta bertatik kanpo bizi den orori luzatu nahi izan diote deialdia. Bileran bertan, hurrengo zitak eta hortik aurrera burutuko diren ekintzak eztabaidatuko dira, eta denen iritzia eskertzen dute.