Beasain

Katalina Goia hizpide gaur arratsaldean Urbieta etxean

Gaur arratsaldean, 18:30ean, Mintzatertulia saioa egingo da Urbieta etxean, euskararen erabilera sustatzeko eta indartzeko helburuarekin. Oraingoan, aurreko belaunaldietako emakumeek egindako lanari erreparatuko diote, Katalina Goia Murgiondo sukaldaria hizpide hartuta. Mutiloar-segurar honek 'Libro de cocina' liburua idatzi zuen eta Goierriko emakume askorentzat erreferente izan zen. Maitane Legarretak gidatuko du solasaldia, Aittu! euskara elkartearen ekimenez eta Udalaren babesarekin. Ekitaldia euskaraz hitz egiteko gaitasuna hobetu nahi dutenentzat egokituta dago.

Gainera, DBH eta Batxilergoko ikasleek, ostiralera bitartean, liburutegi ondoko horman EHU-ko ikasleek margotuko duten murala aukeratzeko botoa eman ahalko dute udaletxean. Bi zita hauek, aurtengo Euskaraldirako prestatutako ekintzen artean aurkitzen dira, beste hainbat iristear dauden bitartean.