Beasain

'Izanaren Artea' ikuskizuna eskainiko da gaur Aranealden

Herrian duela hainbat hilabete garatzen ari den 'Nahigabeko Bakardadeak eta Buru Osasuna' proiektuaren baitan, gaur arratsaldean proposamen artistiko berezi bat eskainiko da 'Izanaren Artea'. Ikuskizuna Aranealde eraikinean izango da, 19:00etan, eta euskaraz aurkeztuko da.

Ekimen honek Arteriaren baitan 2024an emandako dirulaguntza irabazi du, eta bere sorkuntzan nahigabeko bakardadearen eta buru osasunaren gaiak izan ditu oinarri. Proposamen artistiko berezia izanik, hainbat arte diziplina uztartzen ditu: hitzaren indarra, argazkigintza, margolaritza eta soinu espazio berezi bat elkartzen dira esperientzia hunkigarri bat osatzeko.

Ikuskizunak aforo mugatua du, 33 ikuslerentzako lekua baino ez baitago. Halaber, ikusmen murriztua duten pertsonentzako egokitzapen bereziak ere egingo dira. Sarrera eskuratu nahi dutenek aurrez erreserba egin beharko dute: info@ dar-dar.eus helbidean edo 636 374 691 telefonoan.