Beasain

Astigarretako mus txapelketan, beteranoak nagusi

Astigarretako Astauzel elkartean jokatu zen mus txapelketa berriki eta edizio honetako irabazleak Leandro Lizarralde (90) eta Antonio Etxaniz (88) izan ziren.

Bi beterano hauek inguruko herrietatik etorritako hamar bikoteren aurka aritu ziren eta, esperientzia eta jakituria erakutsiz, garaipena lortu zuten.

Duela bi hamarkada inguru sortu zen txapelketa hau auzoko giroa biziberritzeko asmoz, eta ordutik hona urtero egiten da, parte-hartze eta adin tarte guztietako jokalariekin.