Tolosa Goierri

Bakarrizketak probatzeko gune izango da Berrobi aurten

Iaz bakarrizketa saio bat egin zen herrian eta, horri jarraituz, Udalak hitzarmena sinatu du 'Bakarrizketak euskaraz' plataformarekin 2025 urterako. Horrela, Berrobi stand-up probalekua izango da eta bakarrizketalariek lanak lehen aldiz entseatzeko erabiliko dute. Saio horietan publikoaren erreakzioak ikusi eta beraien errepertorioetan sartzeko aukera landu dezakete. Hitzarmen honi esker, aurten bostpasei saio emanaldi egingo dira. Lehenengoa datorren hilaren 31n izango da, Etxolan, doako sarrerarekin. Bertan arituko dira Amaia Ruiz de Galarreta, Esti Curiel, Manex Astigarraga eta Beñat Iturbe.