Badu irabazlea Zaldibiako udaletxe berria egiteko ideia-lehiaketak

Sei hilabeteko prozesuaren ondoren, amaitu da lehiaketa. Bi fase izan ditu; irailean proposamenak jaso, epaimahaia izendatu eta lehen erakusketa.Hiru proiektu pasatu ziren bigarren fasera. Azken fasea azaroan amaitu da. Lehiaketako arauak aplikaturik lortutako balorazioaren arabera, 'Laukita' izeneko aurreproiektuak irabazi du.

Orain, Udalak, aurreikusi zegoen eran, proiektua erredaktatu aurretik, ekarpen berriak eta moldaketak eskatuko dizkio, herritarren erakusketetan egindako oharrak aintza hartu beharko dituelarik.

Erakusketan, 274 balorazio-orri jaso ziren; 10ek eskatu zuten lehiaketa bakante uzteko. Gainon-tzekoek emandako puntuazioarekin jarraitu zen aurrera, eta herritarren hiru ordezkariek horren arabera bozkatu zuten.

Berriki hil den Frantzisko Lopezen familiak bihotzez eskertu nahi ditu jasotako doluminak.