Babarrunaren jaitsierak eman dio hasiera jaiei

'Albiztour' lasterketako parte hartzaileak sariekin. /  NÚÑEZ
'Albiztour' lasterketako parte hartzaileak sariekin. / NÚÑEZ

NÚÑEZ ALBIZTUR.

Albizturko herritarrek giro ezin hobean eman zieten hasiera Andra Mari jaiei atzo arratsaldean. Herritar ugari gerturatu ziren plazara txupinazoa ikustera eta babarrunaren jaitsiera ospatzera. Ondoren, trikitilariek eta txistulariek kalejira egin zuten eta 'Albiztour' txirrindulari lasterketa antolatu zen.

Haur, gazte zein heldu ugari animatu ziren Bentatik bizikletan plazaraino joatera. Haurretan Tomas Zubizarreta izan zen irabazlea, Oinatz Aldalur bigarren, eta Leire Aranburu hirugarren. Helduetan, berriz, Eneko Labakak irabazi zuen, Unai Dorronsoro bigarren, Josu Elola hirugarren, Oier Aramendi laugarren, eta Mikel Urkizu bosgarren. Parte hartzaile guztiek jaso zuten saria.

Gaur, igandean, txistulariek Diana joko dute herriko kaleetan zehar goizeko 9:00etatik aurrera. Ondoren, 11:00etan Meza Nagusia ospatuko da Andre Mariaren Jasokundeko elizan eta segidan toka txapelketa herrikoia antolatuko da plazan.

Arratsaldean, 18:00etatik aurrera pilota partidak jokatuko dira frontoian. Lehenengo partidan Iraetak eta Elolak Aranzadiren eta Aramendiren aurka jokatuko dute, jarraian Izeta eta Garmendia Lasaren eta Etxeberriaren aurka arituko dira eta azkenik, E. Labakak eta Telletxeak P. Labakaren eta Urruzolaren aurka jokatuko dute. Gaueko 22:00etan erromeria izango da Elizagoien ahizpekin.

Bihar, astelehenean, atseden eguna izango da Albizturren. Jaien egitarauak asteartean jarraituko du gazteen egunarekin eta mozorro festarekin.

 

Fotos

Vídeos