Aurrera Alegiak udal hauteskundeetarako zerrenda aurkeztu du

Aurrera Alegia Taldearen zerrendako kideak. /   GOIKOETXEA
Aurrera Alegia Taldearen zerrendako kideak. / GOIKOETXEA

AMAIA GOIKOETXEA ALEGIA.

Zortzi emakumek eta hiru gizonezkok osatzen dute Aurrera Alegia taldeak maiatzaren 26ko udal hauteskundeetarako osatu duen zerrenda. Regina Sorarrain Lasa alkategaiarekin batera, Aurrera Alegia taldearen zerrendako kide dira Andrea Larrañaga Ceballos, Maialen Landart Herrero, Pili Palomares Perez, Olga Jimenez Benitez, Aitor Urdampilleta Arsuaga, Agustin Roman Ballesteros, Jesus Loidi Gabiola, Jasone Oyarbide Iruretagoiena, Nekane Mugica Otegui eta Mari Jose Larrarte Urretabizkaia.

«Herritik lan egin nahi dugu, herriarentzat», azaldu dute zerrendako kideek. «Umiltasunetik, herrian lan egiteko beste modu bat badagoela sinetsita ekin diogu bide honi, eta herritarren bizi kalitatea hobetzeko asmoz hainbat proposamen biltzen dituen programa prestatu dugu». Datozen asteetan emango dute programa horren berri.