Asteasun aurkeztu da Gipuzkoako Bertsolari Txapelketa

IMANOL ARRATIBELASTEASU.

Pello Errotaren mendeurrenari keinu bat eginda, Asteasun aurkeztu du Gipuzkoako Bertsozale Elkarteak 2019ko txapelketa. Txapelketako irudiak errotarria irudikatzen du, Pello Errotaren eta bere alaba Mikaela Elizagi oroitzeko. Saroi Jauregi, Gipuzkoako Bertsozale Elkarteko lehendakaria; Pili Legarra, Asteasuko alkatea eta Maria Jose Telleria, Gipuzkoako Foru Aldundiko Kultura zuzendaria izan dira txapelketa aurkezten.

Aurtengo Gipuzkoako Bertsolari Txapelketa Oñatin hasiko da eta finala abenduaren 14an jokatuko da Donostian, Illunben. Guztira 16 saio jokatuko dira hiru hilabeteko tartean, eta 48 bertsolarik hartuko dute parte, 16 epaile eta 15 gai-jartzailerekin batera. Zazpi final-zortziren, irailak 15etan, Amasa-Villabonako Gurea antzokian, bost final-laurden eta hiru finalaurreko saio hartuko ditu txapelketak. Finala abenduaren 14an jokatuko da Illunben, Donostian.

Saio guztiak 17:00etan hasiko dira. Irailaren 2an jarriko dira salgaiwww.bertsosarrerak.eus webgunean, eta saioen egunetan ere eskuratu ahal izango dira, aretoetan bertan.