Tolosa Goierri

'Arizona' antzezlana ikusteko bigarren saioa

Aitziber Garmendia eta Jon Plazaola protagonista dituen 'Arizona' antzezlana arrakasta handiz iritsi da herrira. Lehen emanaldirako sarrerak momentu batean agortu ziren, eta horren aurrean, Udalak bigarren saio bat antolatzea erabaki du. Hori dela eta, iganderako aurreikusitako lehen saioa 17:30era aurreratu dute, eta bigarren emanaldia 19:30ean izango da. Jatorriz saldutako sarrera guztiak lehen emanaldirako dira, 17:30eko saiorako, eta ez dute balio bigarren saiorako.

Lehen saiorako sarrerak lortu ez zituzten pertsonen itxaron-zerrenda osatu zen, eta kultur teknikariak haiekin harremanetan jarriko dira bigarren saiorako aukera eskaintzeko. Zaldibian erroldatuek lehentasuna izan dute, baina gaurtik aurrera, edonork erosi ahal izango ditu, geratzen badira.