ARDO DASTAKETA JENDETSUA LEGORRETAKO KORPUTSETAN

ARDO DASTAKETA JENDETSUA LEGORRETAKO KORPUTSETAN

Giro ederrean ospatu zuten ohitura den bezala Korputs Eguna. Arratsaldean herritarrez bete zen plaza ardo-dastaketa txapelketan parte hartzeko. Launa ardo beltz eta ardo txuri dastatu zituzten antolakuntzak jarritakoak zein ziren asmatzen saiatuz. Dastaketen ondoren, lehen lau sailkatuentzako saria izan zen. Txapela Aitor Galdosek eraman zuen, bigarren izan zen Sarai Mateo, hirugarren Jose Ramon Agirre eta laugarren Arkaitz Mugerza. Ondoren, ohitura den bezala, usadiozko meriendak izan ziren eta plaza ingurua mahaiekin bete zen.