Tolosa Goierri

Aralar inguruko Narrasti eta anfibioen sekretuak ezagutzeko aukera igandean

Aralarko narrasti eta anfibioak ezagutzeko irteera berezia antolatu da iganderako, hilak 18, Ataungo Lareoko urtegiaren inguruan. Goizeko 10.00etan abiatuko da jarduera, Lizarrusti parketxetik, eta ibilaldia goiz osokoa izango da. Inguruneak berak eskaintzen dituen baldintza egokien artean, parte-hartzaileek animalia hauen habitat naturala ezagutzeko eta behatzeko aukera izango dute.

Jarduera adin guztientzat egokia da eta bereziki gomendatua dago familientzat. Lareoko urtegia eta bere ingurua habitat ezin hobea dira narrasti eta anfibioentzat. Ibilaldiaren bidez, bertako fauna hobeto ezagutzeko aukera eskainiko da, baita animalia horien garrantzia eta egoera ere ulertzeko. Ander Izagirre adituak, espezieen bereizketan lagunduko du eta azalpenak eskainiko ditu.

Parte hartzeko izen-ematea beharrezkoa da, eta horretarako hainbat bide daude: 943 18 03 35 edo 688 89 50 69 telefonoetara deitzea, edo barandiaran@gipuzkoanatura.eus / lizarrusti@gipuzkoanatura.eus helbide elektronikora idaztea. Jardueraren prezioa 6 eurokoa da, eta 12 urtetik beherakoek 4 euro ordainduko dute.