Anoeta

Anitz Eguna ospatu zuten herriko dantzariek

Ikasturteari amaiera emateko, Anitz Dantza Taldeak bere eguna ospatu zuen. Eguerdian haurrek eta gaztetxoek emanaldia eskaini zuten plazan. Euskal dantza tradizionalak zein koreografia berriagoak eskaini zituzten. Arratsaldean, berriz, gazte eta helduen eskutik izan zen dantza ikuskizuna. Bi saioek ikusle ugari elkartu zituzten plazako harmailetan eta gogoz txalotu zuten dantzarien lana.