Tolosa Goierri

'Alzheimerra duenaren eta bere zaintzailearen zaintza' hitzaldia asteartean

Alzheimerra duten pertsonen eta bere zaintzailearen zaintzaren inguruko hitzaldia eskainiko da datorren asteartean, Elordi jubilatu elkarteak, Matia Institutoak eta Amezketako Udalak elkarlanean antolatuta. Itziar Gurrutxaga psikologo eta familia zaintzaileen laguntzan adituak emango du hitzaldia Pernando Amezketarra kultur etxean 18:00etan.

Hitzaldi irekia izango da eta hurbiltasunetik azalduko du gaia Gurrutxagak. Bertan Alzheimerra duten pertsonen zaintza azalduko du, baina hauen zaintzaieek bizi dituzten erronkak ere izango ditu hizpide.

Hitzaldia gaian interesa duten adin guztietako pertsonei zuzenduta dago. Ulermena eta elkartasunaren garrantzia azpimarratzeaz gain, bai gaixoen zein zaintzaileen zaintzarako tresna praktikoak emango ditu.