Altxorraren Bila, hilaren 20an, 'Hip Hip Urri' proiektuaren barruan

ARANTZAZU BAZTARRIKAGABIRIA.

Urriaren 20an goizean Gabirian 'Hip Hip Urri' proiektuaren barneko ekintza bat egingo da: Altxorraren Bila III. edizioa!

Aurtengo edizio honetan taldeak haur eta helduez osatuak egongo dira, baina eginkizun ezberdinak izango dituzte: Batetik, 2007an edo geroago jaiotakoak herrigunean geldituko dira beraiek burutu beharreko jolas berezietan; bestetik, 2008an edo lehenago jaiotakoak pistak deszifratu eta probak gainditzen arituko dira herri guztian zehar.

Igande horretan, 9:30etan parte hartzaile guztiak herriko plazan elkartu beharko dira, taldeak zein izango diren jakinaraziko zaie (antolatzaileek egingo dituzte taldeak) eta argazkiak aterako dira. Ondoren, 10:00etan hasiko da jolasa.

Talde irabazleko kideentzat sari paregabeak egongo dira. Parte hartzeko 687 85 04 02 telefonora mezu bat bidali behar da urriaren 18a baino lehen.