Tolosa Goierri

Alex Txikon Ataunen izango da gaur, 'Himalaia neguan' hizpide

Aizkoate Kultur Elkarteak eta Ataun Kirol Elkarteak elkarlanean antolatuta, Alex Txikon mendizale ezagunak hitzaldia eskainiko du gaur, 'Himalaia neguan' gaiaren inguruan. Ekitaldia Aizkoate Kultur Elkartean izango da, arratsaldeko zazpietan hasita.

Bestalde, Jubilatuen Elkarteak irteera antolatu du Hondarribira maiatzaren 20rako, asteartea. Parte-hartzaileek gidari baten laguntzaz herria ezagutuko dute goizean, eta arratsaldean aukera izango dute barkuan bidaia labur bat egiteko edo Guadalupera igotzeko. Bazkaria 14.00etan izango da eta itzulera, 20.00etan. Irteeraren prezioa 35 eurokoa da bazkideentzat (45 ez direnentzat). Izena emateko epea maiatzaren 9an amaituko da, Atsedentokiko iragarki-taulan.