Aimar Irigoien izan zen berriro ere garaile Gorostidi Harrian

Aimarrek esfortzu handia egin zuen kirol proban; eta Jokin Eizmendi 155 kiloko errektangularra jasotzen./
Aimarrek esfortzu handia egin zuen kirol proban; eta Jokin Eizmendi 155 kiloko errektangularra jasotzen.

NÚÑEZ ADUNA.

Gorostidi Harria txapelketa hamahirugarren aldiz jokatu zen eta urtero legez Adunako frontoia ikuslez bete zen harri-jasotzaile onenen erakustaldia ikusteko. Zazpi harri-jasotzaile izan ziren lehian eta guztien artean Aimar Irigoien izan zen antolakuntzak jarritako bost harriak altxatzen azkarrena. Minutu bat eta berrogeita hamahiru segundo behar izan zituen 150 kiloko kubikoa, 160 kiloko zilindroa, 159 kiloko harri baldarra, 155 kiloko errektangularra eta 113 kiloko bola bina aldiz jasotzeko.

Atzetik geratu ziren Jokin Eizmendi, Aimar Galarraga, Xabier Peña, Imanol Illarramendi eta Gorka Etxeberria. Josetxo Urrutia, berriz, lehiaketatik kanporatu zuten epaileek 150 kiloko kubikoari heldu ondoren, jasoaldirik eman gabe hurrengo harrira pasa zelako.

Aurtengoan ere, 500 euroko diru-saria izan arren, zazpietatik inor ez zen 185 kiloko harria esku batez altxatzera ausartu.