Tolosa Goierri

Adimen artifizialari buruzko hitzaldia gaur Ataunen

Adimen artifiziala izango da protagonista gaur arratsaldean, 19.00etan, udaletxeko batzar-aretoan egingo den hitzaldian. Ekitaldia Atauniker Kultur Elkarteak antolatu du eta Egoitz Etxeandia izango da hizlaria.

'Adimen artifiziala, aukerak eta erronkak' izenburua duen saioan, teknologia berriek gizartean eta ekonomian duten eragina izango da aztergai. Etxeandiak, adimen artifizialean eskarmentua duen profesionalak, egungo joerak eta etorkizuneko erronkak azalduko ditu, ikuspegi tekniko eta sozialetik.

Ekitaldia doakoa da eta edonorentzat irekia egongo da.