Pankarta bat kentzeagatik Udalak atera duen oharrari erantzun dio Herrigintzak

IRAOLA

Joan den ostiral gauean hasi ziren gertaerak, Aralarreko gorabeheren inguruan informazioa eman zuen pankarta norbaitek kendu ondoren. Horren harira, Udalaren izenean ohar bat plazaratu zen, hiru puntuok azpimarratzen zituelarik: a) ekintza salatu, b) Aralarren gestioaren inguruan eztabaida pil-pilean dagoen garaian sortu dela, c) Zaldibiako Udalak asmoa dela elkar ulertzeko bideak mahai gainean ipintzea.

Herrigintza Taldea ez da sar-tzen komunikatua bera balora-tzera, baizik komunikatuaren inguruan gertatu dena komentatu nahi du: «Joan den larunbatean izan genuen alkatearen deia, oharrari atxikipena emateko. Gure erantzuna izan zen prest ginela gai horren inguruan (...) luze eta zabal hitz egin eta hausnartzeko. Baina ez telefonoz, larunbat ilunabarrean. Oharra atera nahi bazuen, zera erantzun genion: Bilduren izenean, gobernu-taldearenean edo alkatearen izenean ateratzeko, eta ez Udalaren izenean, gurekin ez zutelako ezer adostu. Hala ere, Udalaren ohar bezala plazaratu dute, eta adierazi nahi dugu ez dela Zaldibia Herrigintza taldearen oharra. Gertaturikoaren, pankarten, pintaden eta abarren inguruan hitz egiteko beti prest gaude» diote.

Contenido Patrocinado

Fotos

Vídeos