Tolosa Goierri

1936-1945 arteko giza eskubideen urraketen inguruko hitzaldia bihar

Bihar arratsaldean, Ikaztegietan 1936 eta 1945 urteen artean emandako errepresioa eta giza eskubideen urraketen inguruko hi-tzaldia eskainiko da udaletxearen behe solairuko erabilera anitzeko aretoan, Galtzaundi Euskara elkarteak eta Aranzadi Zientzia elkartearen eskutik.

Maria Laespada historialariak eta Haritz Azurmendi ikerlariak eskainiko dute hitzaldia. Bertan, Gerra Zibilean eta Frankismo garaian Ikaztegietan zein Tolosaldeko herrietan gertatutakoa azalduko dute. Hitzaldia 18:30etan hasiko da, sarrera irekiarekin.

Ikaztegietako Udalak aurtengo Trakzio Mekanikoko Ibilgailuen Zergari dagozkion erreziboak ordaintzeko epea ireki du. Borondatezko ordainketa apirilaren 4an amaituko da eta, ondoren, ordaindu gabe geratu diren kuotak errekarguarekin eta berandutze interes eta kostuekin kobratuko ditu Udalak.