Lanari dagokionez, emakumeek argiago dute nahi dutena

Job Today lan-bilaketarako app-ak egin du analisia/Fotolia
Job Today lan-bilaketarako app-ak egin du analisia / Fotolia

Denbora gutxiago igarotzen dute emakumeek lan eskaintzak aukeratzen, eta azkarragoak dira lan-eskakizunak bidaltzen, txosten batek adierazi duenez

Landunen goraldia ez da simetrikoa izan Eustatek argitaratutako urteko bigarren hiruhileko datuen arabera. Handiagoa izan da emakumeen artean, 15.200 emakume landun gehiagorekin, gizon landunak, berriz, 8.200 gehiago dira. Hala ere, handiagoa izaten jarraitzen du emakume langabeen ehunekoak. Landunen tasa %72koa da gizonen artean; emakumeen artean, berriz, %64,7koa da.

Emakumeak dira, hain zuzen, bilatzen dutena argien dutenak Job Today lan-bilaketarako app-ak aegin duen aplikazioaren erabiltzaileen analisien arabera. Jarrera irmoena dutenak eta aplikazioaren erabilera optimizatuena egiten dutenak ere badira.

Denbora gutxiago igarotzen dute emakumeek lan eskaintzak aukeratzen, eta azkarragoak dira lan-eskakizunak bidaltzen. Aplikazioaren erabilera aktiboagoa ere egiten dute. Hilabetean 24 aldiz irekitzen dute app-a. Gizonezkoek, aldiz, 20 aldiz. Egindako analisiaren arabera, lan eskakizunen %59a andrazkoek egiten dituzte, gizonezkoek %41a egiten dituzten bitartean.

Aisialdiko ekintzei dagokienez, Espainiako Estatistika Institutu Nazionalak egindako ikerketa bateko datuak jasotzen ditu txostenak. Bertan, Europar Batasuneko gizon-emakumeek aisialdia jarduera kulturalak burutzeko erabiltzen dutela ondorioztatu dute, eta baita ere, oporraldiak lagunekin bidaiatzeko erabiltzen dituztela. Argitaratu dute, bestalde, emakumeek nahiago dutela aisialdian jarduera lasaiak burutzea, irakurtzea kasu, gizonek kirol lehiaketak nahiago dituztelarik.

Temas

Euskera

Contenido Patrocinado

Fotos

Vídeos