Euskal Herriko flora ezagutu eta babesteko lanak burutzeko boluntarioen bila dabil Aranzadiko Botanika Saila

Euskal Herriko flora ezagutu eta babesteko lanak burutzeko boluntarioen bila dabil Aranzadiko Botanika Saila
Lobo Altuna

Ekaina, uztaila eta abuztuan burutuko dira lanok, Aranzadi Zientzia Elkarteko egoitzan, Donostian, eta euskal mendietan

DVDonostia

Aranzadi Zientzia Elkarteko Botanika Sailak jakinarazi du boluntario lanak eskaintzen dituela Euskal Herriko eta inguruko floraren ezagutzan eta kontserbazioan sakontzeko. Ekaina, uztaila eta abuztuan burutuko dira lanok.

Zehazki, bost ekintza mota desberdinetan parte hartu ahal izango da. Batetik, aukera izango da landareak herborizatzeko prozesuan lagundu ahalko da, mendian laginak hartu, identifikatu eta herborizatuz. Bestalde, landare bildumaren mantentze-lanak egin daitezke: pleguen mantentze lanak, beste herbario batzuekin elkartrukeak, datuak informatizatzea eta landare pleguen digitalizatzea, besteak beste

Landare espezie mehatxatuen jarraipen-lan eta kontserbazioan parte hartzea, landare espezie inbaditzaileen kartografia eta erauzketa lanetan parte hartzea eta landareen ex situ eta in situ kontserbazioko lanak uztartzen ere ikasi ahalko da.

Lanerako bulegoa eta herbarioa Aranzadi Zientzia Elkarteko egoitzan daude, Donostian, baina mendiko lana Euskal Herriko mendietan burutuko dute batez ere parte hartzaileek.

Jakinarazi dute, halaber, euskara jakitea eta kotxea izatea lehenetsiko direla. Interesa duenak botanika@aranzadi.eus helbidera idatzi behar du.

Temas

Euskera