San Sebastian iragartzeko, txistu kontzertu berezia Donostian

Donostiako Udal Txistu Taldeak eskainiko du, beste zenbait talderekin batera, igande honetan, udaletxeko udalbatza aretoan

Donostiako Udal Txistu Taldeak kontzertu berezia eskainiko du San Sebastian eguna iragartzeko, igande honetan, urtarrilaren 13an, udaletxeko udalbatza aretoan. Eskola Gurutziaga abesbatzak, Kresalako Haur Danborradak, Zuhaizti ikastolako dantzariek, Donostiarra Metal boskoteak eta beste hainbat gonbidatuk ere parte hartuko dute saioan, Donostiako Udalak jakinarazi duenez.

Ekitaldia 12:00etan hasiko da eta sarrera doakoa izango da aretoa bete arte. Emanaldian, Donostian esanguratsuak izan diren pertsona ugari izango dituzte gogoan beren sorkuntza ezberdinen bitartez, besteak beste, Jose Olaizola, Inozenzio Gaztelumendi, Victoriano Iraola, Juan Cuadrado edo Luis Udakiola.

Emanaldia entzun ahal izango dira Jose Olaizolaren 'Gure Donosti', Inozenzio Gaztelumendiren 'Donosti zarra', Victoriano Iraolaren testuak dituzten 'Ume eder bat' eta 'Petra txardin saltzaillia', Luis Udakiolaren inauterietarako 'doinu barregarri eta zaratatsuak' eta Ibon Casasek sortutako 'Rock itsua'.

Temas

Euskera
 

Fotos

Vídeos