Beste lau urte kultur etxeetan prestakuntza-programak egiten

Beste lau urte kultur etxeetan prestakuntza-programak egiten
Sara Santos

Kultur Etxeetan eta Liburutegi Nagusian dauden KZguneek martxan jarrai dezaten, hitzarmena berritu dute Donostia Kulturak eta Eusko Jaurlaritzaren Informatika Elkarteak

DVDonostia

Herritarrei prestakuntza-programak eta bestelako zerbitzuak jasotzen jarraitu ahala izateko beharrezkoa den hitzarmena berritu dute Donostia Kulturak eta Eusko Jaurlaritzaren Informatika Elkarteak (EJIE). Ostiral honetan, hilak 20, sinatu dute kultur etxeetan eta Liburutegi Nagusian dauden KZguneek martxan jarrai dezaten hitzarmena.

Donostiako bost kultur etxetan eta Liburutegi Nagusian KZguneak daude gaur egun, 2001ean sinatu zen lehenengo hitzarmenaren ondorioz. Hitzarmen hori berritu egin dute Jaime Otamendi Donostia Kulturako zuzendari kudeatzaileak eta Alex Etxeberria EJIEko zuzendari orokorrak.

Hitzarmena, hasiera batean, lau urterako izango da, nahiz eta beste lau urtez luza daitekeen. Horrekin, helburua da EJIEren Donostiako Udaleko Donostia Kulturaren arteko lankidetza-harremanak ezartzea, kultur etxeetan eta Liburutegi Nagusian dauden KZguneak ireki, erabili eta aprobetxa daitezen; KZguneek eskaintzen dituzten prestakuntza-programak eta gainerako zerbitzuak emateko eta, horrenbestez, espazio publiko horien emakida arautzea.

Hauexek dira KZguneak: Liburutegi Nagusia, Casares K.E, Egia K.E, Ernest Lluch K.E., Lugaritz K.E, Okendo K.E eta Ernest Lluch K.E.

Temas

Euskera