Borrar
2024ko kuadrilen bazkariko irudia. antiguakojaibatzordea
Adin guztietarako egitarauarekin, martxan dira Antiguako Jaiak

Adin guztietarako egitarauarekin, martxan dira Antiguako Jaiak

Poteo Elegantea, danborradak eta musika izango dira protagonista nagusi

Jon Agirre

Donostia

Martes, 14 de enero 2025, 13:09

2025eko Antiguako Jaiak pasa den ostiralean, urtarrilak 10, hasi ziren 'Piskolabix' antzerki amateurrarekin eta ostegun honetan hasiko da bigarren aste-bukaera antiguotarrek gorriz markatutako hainbat zitarekin. Batik bat kaleak giroz beteko dituen Poteo Elegantea edo danborrada.

Aurrez, aldiz, emakumeen pala txapelketako semifinalak izango dira ostegunean 18:00etan Antiguako frontoian. Bertatik aterako dira datorren ostegunean, urtarrilak 23, ordu eta toki berean lehiatuko den finalerako lehiakideak.

Biharamunean Jakintza Ikastolako haurren danborradak emango dio hasiera arratsaldeari. Ohiturei jarraitz, 15:30ean frontoia bere egingo dute Sarriegiren doinuekin. Eta osteko orduak ere haienak izango dira haurren jaitsiera musikatuarekin (16:30), jarraian Gaskuñan egingo den 'Holi Festa'-rekin eta txokolatadarekin. Indarrak beharko dituzte 18:30ean auzoan zehar ariko den zezen suskorako. Eta helduagoek lehen zita 19:00etan dute Benta Berri Plazan, segidan txupinazoa (19:30) eta poteo elegantea izateko. Auzorock-ek itxiko du lehen egun potentea Zena, Cold Noize eta DJ Albabarruna taldeen emanaldiekin Antiguako frontoian.

Larunbatean atseden gutxi izango da, 10:00etarako baita lehen deia, berriro ere frontoian Real Sociedad fundazioaren eskutik haurrentzako puzgarriak izango baitira. Ez da proposamen bakarra, 11:00etan buruhandi eta erraldoiak ibiliko baitira auzoan zehar musikaren laguntzaz eta bazkalostean Lugaritzen 'Kiki eta koko: bizi-bizi zirkua' emanaldia izango baita.

Bazkalostean hartuko dute erreleboa gazteek Istingorra kalean jendetza biltzen duen Giza probarekin, 2025ekoan Hernaniren aurka 18:30ean, eta segidan izango da poteo musikatua auzoko musikariekin. Eguna biribilduko du Antigua Rock emanaldiak, Les Testarudes, Skabidean eta DJ Aiakateren zuzenekoekin

Igande eta larunbatean danbor hotsa nagusi izango bada ere, bestelako proposamenak ere baditu Jai Batzordearen egitarauak. 10:00etan izango da kros herrikoia, jada 500 korrikalaritik gora dituena, eta 12:00etan Txirain elkarteak antolatutako Toka txapelketa.

Publicidad

Publicidad

Publicidad

Publicidad

Esta funcionalidad es exclusiva para suscriptores.

Reporta un error en esta noticia

* Campos obligatorios

diariovasco Adin guztietarako egitarauarekin, martxan dira Antiguako Jaiak