Euskal Derbia, Euskaraldiari bultzada emateko agertoki ezin hobea

Beti esaten da Euskal Derbia futbol partida batetik haratago doan gertaera bat dela eta hori berresten duten hainbat adibide daude historian zehar. Ez dago partidaren atarian kalean bizitzen den giroa ikustea besterik ez.

Igandeko partidan, Realeko eta Athleticeko jokalariak Euskaraldiaren aldeko pankarta batekin zelairatuko dira. Izan ere, euskararen erabilera gizartean sustatzeko laugarren edizioa bizi duen mugimendua, maiatzaren 15etik 25era izango da aurten. Datak ahalbidetzen du bi euskal talde handienek horrelako omenaldia eta bultzada ematea Euskaraldiari.

Euskaraldiaren helburua argia eta zehatza da: hizkuntza ohiturak aldatzea, euskaraz pentsatu zein hitz egiteko, eta pertsonen tendentzia aldatzea zein hizkuntza erabili aukeratzerakoan. Apirilaren 18an, Reala eta Eibarren arteko gipuzkoar derbian, bi taldeko neskak pankartarekin atera ziren ere zelaira.

Aurten, Txurdin, Realaren maskota famatua, Euskaraldiaren hamaika enbaxadorea da, Realak euskararen alde egiten duen apostuaren seinale. Martxoan, aurtengo edizioaren aurkezpenean, Joseba Ibarburu presidenteordea eta Txurdin bera egon ziren. Leloa 'Elkar mugituz egingo dugu' da aurtengo edizioan.

Partidaren atarian ere, Athletic eta Realeko jokalariek pankartarekin argazkia atera ondoren, Gero Axular dantza taldeak, 10 eta 16 urte bitarteko ehun dantzarik osatuta, Anoetako zelai-erdian Euskaraldiaren abestia eta 'Txuri Urdin maitea', Realaren erreserkia, dantzatuko ditu. Hori dena eta gero, lagunak ahaztu eta baloiaren bitarteko guda hasiko da zurigorri eta txuriurdinen artean.