Gabonetako oporretan, altxorraren bila Albaolan

Gabonetako oporretan, altxorraren bila Albaolan

Euskal Herriko itsas ondarean oinarritutako jolasa antolatu dute, haur eta familientzako eskaintza indartuz

Gabonetako oporrak direla eta, iaz izan zuen arrakastaren ondotik, aurten ere haur eta familientzako eskaintza indartu dute Albaola Itsas Kultur Faktorian. Horrenbestez, oporrak amaitu arte euskal ontzigintzarekin eta itsas jarduerekin erlazionatutako jolas berezia egongo da bertab hurbiltzen diren familientzat: 'Altxorraren bila'.

Familian egin daitekeen pista-joko bat da 'Altxorraren bila', eta sarrerarekin batera eskainiko zaie Faktoriara joaten diren haurrei. Museorako sarrera erostean, haur bakoitzak altxorraren mapa bat jasoko du eta Faktorian egindako bisita ibilbidean zehar bete beharko da. Mapako protagonista Txo Mik Mak txikia da, eta honek gidatutako pistak jarraituz eta erronkak gaindituz, haurrek mapako mezua deszifratzea lortu beharko dute. Era honetan, jolasaren bidez haurrak itsas kulturara hurbiltzeko bidea eman nahi die Albaolak. Izan ere, itsas ondarearen transmisioa Albaolaren funtsezko helburuetako bat da, eta hori da jolasaren xedea.

Gogoan izan behar da ontziola-museoa itxita dagoela astearte honetan, abenduaren 30ean eta urtarrilaren 1ean eta 6an. Egun horiek kenduta, urtarrilaren 5a arte eutsiko zaio oporretako jarduera bereziari. Ez da aurretiko erreserbarik egin behar eta jolasa lau hizkuntzatan dago eskuragarri.

Temas

Euskera