Zabalik da Kuadrillategin izena emateko epea

Ekintza ezberdinak egiten dituzte urtean zehar, horietako bat Warner atrakzio parkeko irteera. /  GARAÑO
Ekintza ezberdinak egiten dituzte urtean zehar, horietako bat Warner atrakzio parkeko irteera. / GARAÑO

Kuadrillategi, hizkuntza propioa duen koadrila

GARAÑO OIARTZUN.

Zabalik da beste urte batez Kuadrillategin izena emateko epea. Hizkuntza propioa duen koadrilarekin ondo pasatzeko eta lagun mordo bat egiteko aukera bikaina.

Ikasturte honetan ere eskualdeko lau herrietan, Errenterian, Lezon, Oiartzunen eta Pasaian, gauzatuko da Kuadrillategi egitasmoa, eta ikasmaila hauetako gazteek eman ahal izango dute izena: Lezon, Errenterian eta Pasaian; DBH-1, DBH-2, DBH-3 eta DBH-4ko gazteek. Oiartzunen, berriz, DBH-1 eta DBH-2ko gazteek. Izena emateko epea hilaren 28ra artekoa izango da.

Euskaraz ongi pasatzeko gogoa dutenek osatzen duten koadrila honetan, denon artean prestatutako gustuko ekimenak egiten dira, irteera bereziak, egun pasak, asteburu-pasak... eta beste herrietako gazteekin elkartzen dira.Izena nork bere ikastetxean eman ahal izango du horretarako banatuko diren izen emate orriak betez eta ikastetxean entregatuz. Oarsoaldea Garapen Agentziaren lehendakari José Ángel Sánchezek adierazi duenez, saioak urriaren 5ean hasiko dira.

Contenido Patrocinado

Fotos

Vídeos