Urriko udalbatzarrean hondakinen planari alegazioak jarri dizkio Udalak

Ikasturteko lehenengo plenoan hondakinak izan dituzte hizpide. /  GARAÑO
Ikasturteko lehenengo plenoan hondakinak izan dituzte hizpide. / GARAÑO

GARAÑO OIARTZUN.

Gipuzkoako Hiri Hondakinen Planari alegazioak jarri dizkio Udalak. Hain zuzen ere, Gipuzkoako Hiri Hondakinen Gestio Planari alegazioak forma eta edukien inguruan.

Gipuzkoako Hiri Hondakinak Kudeatzeko Gestio Planari (2019-2030) alegazioak onartu zaizkio, Gobernu Taldearen aldeko botoekin. Forma eta eduki aldetik dauden hutsuneengatik erabaki du Oiartzunek alegatzea. Batetik, «Plana jendaurrean udan jartzea udalen eta elkarteen parte-hartzea zailtzeko» estrategia izan dela salatu du Eneritz Arbelaitz

Oiartzunek San Markos Mankomunitatean duen ordezkari eta alkateordeak. Honez gain, Oiartzungo Udalak jendaurreko epeak legezko eskaerak ez zituela betetzen egindako oharrarengatik astebete luzatu zela jendaurrean egoteko epea ere azaldu du.

Edukiaren inguruan, berriz, «Plan honen helburu bakarra dagoeneko erabakita dauden planta batzuk garatzea» dela esan du Arbelaitzek, «Europako zuzentarauak eta Gipuzkoako herrietako errealitatea kontuan hartu gabe» Hondakinen gaia «denona» dela ere ekarri du akordura, «denok sortzen ditugu hondakinak eta denok dugu ardura», horregatik, udalen zein elkarteen parte-hartzea bermatzeko eskatu du Oiartzungo Udalak. Bitartean, Plana bertan behera uzteko eskatu du.

Urruntzea

Gainera, herriko bi presoen urruntzea salatu du Udalak, ahobatez. Oiartzungo Sarek presoen urruntzea salatzeko udaletxera ekarritako mozioa onartu dute gaur urriko ohiko udalbatzarrean EH Bilduko Gobernu Taldeak eta EAJk, ahobatez. Herriko bi presoak, Iban Apaolaza eta Joanes Larretxea, Granadan eta Ciudad Realen urrunduak daudela gogora ekarri du mozioak.

Oarsoaldeko Taxi Batzordeak 2019rako adostutako tarifak onartu ditu baita ere Oiartzungo Udalak. Gipuzkoako taxilarien prezioak berdintzeko, bataz bestekotik duten diferentziaren arabera aplikatuko zaie KPIa eskualdeko tarifei.

Iraileko protokolo gastua 2.420 euro izan zen (lore-sorta, garaikur, luntx eta otordutan). Urrikoa berriz, 92,25 euro izan da, luntx eta otorduetan.

Contenido Patrocinado

Fotos

Vídeos