Udalak Osasun Pastoraleko bolondresak omenduko ditu jaietako Kultur ekitaldian

taldeko kideak bolondres joaten dira Petra Lekuonan daudenei babesa eta poza ematera. / GARAÑO
taldeko kideak bolondres joaten dira Petra Lekuonan daudenei babesa eta poza ematera. / GARAÑO

Oiartzungo Asanblada feminista izango da soka dantzako gonbidatua

GARAÑO OIARTZUN.

Urtero egiten da kultur ekitaldia abuztuaren 1ean Xanistebanak iragartzeko. Eta bertan, herritarrek talde, elkarte edo norbanakoren bat omentzen dute. Aurtengoan, Osasun Pastoraleko bolondresak izan dira aukeratuak. Izan ere, Petra Lekuona zaharren egoitzara joaten dira tarteka bertan daudenei konpainia egitera eta poza ematera. Hori dela eta, egiten duten lana aitortu nahi zaie ekitaldian. Gainera, emakume hauek egiten duten ezkutuko lana gizarteratu nahi dute omenaldian, egiten duten zaintza lana plazaratu eta eskertu.

Osasun Pastorala elkartea duela 21 urte sortu zen eta hasieran bi partaide ziren: Kontxi Eriz eta Koro Labandibar. Gaur egun, berriz, zortzi emakume daude taldean. Hamabostero joaten dira Petra Lekuonara eta bingoa egiten dute. Tarteka, ekintza bereziak ere egiten dituzte. Hala nola, irteerak, san ferminak, danborrada... Eguberrietan eta maiatzean, Gaixoen Pazkoaren bueltan, etxeetara bisitak ere egiten dituzte.

Bestalde, Xanistebanak hasi aurreko soka-dantzan Oiartzungo Asanblada Feministako kideak egongo dira. Udalak talde feministak herrian egiten duen lana baloratu eta eskertzeko asmoz gonbidatu ditu soka-dantzara.

Beraz, Aldeguna Elkartearekin batera egongo dira bi talde hauek. Izan ere, azken honek mende erdia bete du eta txupina botatzeko hautatuak izan dira.

Prentsaurrekoa bihar

Hilak 21 eguerdiko 12:00etan izango da prentsaurrekoa Mendibururen estatuaren aurrean. Bertan, Oiartzungo asanblada feministak festei buruz egiten duen irakurketa egingo da lehenik. Ondoren, Xanistebanetarako antolatu duten egitaraua aurkeztuko dute eta azkenik, abuztuak 4an zaintzan lan egiten duten emakumeei grebarako deialdia luzatu nahi diete. Agerraldira azaltzeko deia egin dute.

 

Fotos

Vídeos