Udaberriko azoka, hilaren 26an, HemenGuk herriko ekoizleen eskutik
21 saltzaile eta artisauk parte hartuko dute hirugarren azokan
GOIZARIN
Oiartzun.
Igandea, 13 martxoa 2022, 00:31
HemenGuk, herriko ekoizleek, udaberriko azoka antolatu dute hilaren 26rako, hirugarren edizioa izanik. Kontzejupean izango da goizeko 10:00etatik arratsaldeko 13:30era arte. Ekoizleekin batera, herriko artisauak ere azokan izango dira oraingo honetan.
Guztira, 21 ekoizle eta artisauk hartuko dute parte. Txakolina, eztia, barazkiak, ogia, sagardoa, gazta, ahatekiak, garagardoa, kombucha, goxoa, arrautzak, pasta, artisautza produktuak, liburuak eta mahai jolasak topatuko dituzte herritarrek azokan.
HemenGuk Oiartzungo ekoizleen sarea da. Azokaren helburua herriko ekoizleek egiten dutena erakustea, produktuen salmenta zuzena sustatzea eta euren arteko zein herritar kontsumitzaileekin zuzeneko harremana sortzea da, bertako produktuak eta ekoizleak balioan jarri eta ekonomia zirkularra sortuz.
