Txosteko pilotariak, txapeldunorde

Pilotari oiartzuarrek larunbatean jokatu zuten Gipuzkuako Erreboteko Txapelketako finala. Zubietan izan zen, aurkarien etxean, Errebote plazan. Oiar-tzungo boskotea honako hauek osatu zuten: Txomin Nazabalek, Andoni Zabalak, Joseba Azpirozek, Ugaitz Susperregik eta Peio Etxelekuk. Zubietakoa boskotea osatu zuten Joseba eta Josu Aizpuruak, Ugaitz Rezolak, Jon Argotek eta Endika Gartziak. Oiartzuarrek ongi jokatu zuten arren 13 eta 10 galdu zuten. Txomin Nazabal oiartzuarrak kontatu digunez «gustura geratu ginen jokatutako partidarekin nahiz egindako jokuarekin. Bi taldeen aldetik partida borrokatua izan zen eta ikusteko oso polita izan zela deritzot».

Abuztuan ez dute partidurik izango, baina irailean hasiko dira Enrike Abril Erreboteko Txapelketarekin. Honela, aurtengo denboraldiari amaiera emanez.