Pilota partidak eta jolasak Arraguako festak agurtzeko

Herri bazkaria frontoian ospatu zen. Haurtzaro Dantza Taldeak ikuskizun polita eskaini zuen. /  GOIZARIN
Herri bazkaria frontoian ospatu zen. Haurtzaro Dantza Taldeak ikuskizun polita eskaini zuen. / GOIZARIN

Ilunabarrean amaituko dira 'Kutxaka' ikuskizuna, txokolate jatea eta zezensuzkoekin

GOIZARIN OIARTZUN.

Gaur amaituko dira Arragua auzoko festak, giro paregabean. Eguraldiak gehiegi laguntzen ez badu ere, herritarrak ari dira jaietan parte hartzen.

Gaurkoa izango da egunik handiena. Goizeko 9:00etan, meza izango da. Gero, diana Oiartzungo Lartaungo txistulariekin. 10:30ean, pilota partidak hasiko dira Oiarperen eskutik. Herriko pilotari gazteak lehian ikusteko aukera aproposa. 11:00etan haur jolas parkea zabalduko dute, lehenengo saioan. Gero, 11:30ean haur jolasak eta tailerrak eta 12:00etan Batukada tailerra.

Arratsaldean, 15:30ean jolas parkea eta puzgarrien bigarren saioa izango da, eta jarraian V. Bizkotxo Lehiaketa izango da. Parte-hartzaileek 17:00etarako etxean egindako bizkotxoak aurkeztu beharko dituzte eta epaimahaiak erabakiko ditu zein diren aurtengo hiru onenak.

Horren ondoren, 'Kutxaka' ikuskizuna hasiko da. Azkenik, txokolate gozoa dastatuz eta zezensuzkoekin gozatuz amaituko dituzte aurtengo festak Arraguan. Despedida bikaina, ezbairik gabe!