Jon Otegi Txekiako sega txapelketan

Txekiara joan den Euskal Herriko segalari taldea. /  GARAÑO
Txekiara joan den Euskal Herriko segalari taldea. / GARAÑO

GARAÑO OIARTZUN.

Jon Otegi Odriozola oiartzuar segalaria Txekiara joan zen asteartean hango sega txapelketa batean lehiatzeko. Almitza sega elkarteko beste 11 kirolarirekin joan da herrialde horretara. Gaur izango da txapelketa. Txapelketa berezia egin beharreko lanei dagokienez; izan ere, gizonek 750 metro koadroko eremua ebaki beharko dute, eta emakumeek 350 metro koadrokoa. Almitza taldeko kideek azaldu dutenez, Euskal Herritik kanpo lehen aldiz lehiatuko dira lan luzean elkarteko segalariak. Euskal Herriko segalariek Txekiakoak, Austriakoak, Alemaniakoak, Esloveniakoak nahiz Eslovakiakoak izango dituzte aurrez aurre txapelketan. Parte hartuko duten kirolariak iaz Suitzan jokatutako Europako Txapelketan aritu ziren hogei onenak dira. Jon Otegik Europako Bakarkako Sega Txapelketa hartan 32. egin zuen 3.43:19an ebaki eta gero.

Pasa den urtean Urnietako Xoxoka auzoko festetan Jon Otegi eta Julen Gabilondo bikotea garaile izan ziren sega apustuan; 35 segundoko alde atera zioten Suharri Irazustabarrenari eta Iñigo Merkaderri. Ikusgarria eta zirraraz beterikoa izan zen indar neurketa ia proba guztian. Otegi gaztea gero eta hobekiago dabil segan eta modalitate honek etorkizuna baduela uste du oiartzuarrak.

Contenido Patrocinado

Fotos

Vídeos