OKEko talde nagusiek irabazi gabe jarraitzen dute

GARAÑO OIARTZUN.

Ohorezko erregional taldeak zein neska nagusiek ez dute punturik ekarri etxera asteburu honetan. Hain zuzen ere, Ohorezko erregionalak 2-1 galdu zuten Tolosaren aurka eta gola Manex Apaolazak sartu zuen. Neskek ere, ez zuten Aurrera Vitoria garaitzea lortu eta azken emaitza 4-2 izan zen. Bi golak Maria Granadok sartu zituen.

Ohorezko erregional taldeak honako hamaikakoa atera zuen: Igor Orokieta, Jon Mikel Mitxelena, Beñat Salazar (m.88, Xabier Granda), Eñaut Loperena, Dani Beamount (m. 57, Kevin Tiaty), Pablo Del Pozo, Ander Aranburu (m.70, Beñat Izagirre), Iker Sistiaga, Manex Apaolaza, Mikel De Alba (m.81, Unai Sixto) eta Mikel Bengoetxea (m.57, Xabi Lapazaran). Lehen zatian ez ziren batere ongi ibili herriko mutilak eta atsedenaldiaren aurretik 2 gol sartu zituen jada Tolosak. Ondoren, gogotsu atera baziren ere ez zuten aurkarien atea probatzerik izan.

1. Erregional taldeak, berriz, 1-0 irabazi zuten Amara Berriren aurka eta golegilea Aitor Mitxelena izan zen. Ohorezko gazteek ere garaipena eskuratu zuten etxean Sto. Tomas Lizeoaren aurka 7-2 irabaziz. Golak Xabier Eizmendik, Xabier Alberdik, Mikel Aranburuk, Unai Kortajarenak, Danel Garciak eta Endika Argaizek (2) sartu zituzten.

1. gazteek Behobiaren etxean 2-4 irabazi zuten. Golegileak Asier Santamarta, Ioritz Aranburu eta Iker de Paz (2) izan ziren. A eta B taldeko 1. Kadeteak biak Orereta Kafearen aurka jokatu zuten. A taldekoak etxean, 15-0 irabazi zuten Unax Jimenez, Eñaut Romero, Eneko Bordes, Julen Oiartzabal (2), Ekain Sein (3), Urtzi Noble (3) eta Orkatz Erkiziaren (4) golei esker. B taldekoek, berriz, 4-0 galdu zuten haien etxean.

A taldeko haurrek sekulako egurra man zioten Oiartzungo C taldeari. Izan ere, 0-16 irabazi zuten. Golak Lur Aristizabal, Urtzi Rojo, Alain Artetxe, Julen Zelaiaran (2), Ekhi Astibia (3), Aimar de Marcos (4) eta Oier Elgetak (4) sartu zituzten. B taldeko, haurrek berriz 0-3 galdu zuten Karla Lekuonan Beti Gazteren aurka. Azkenik, haur txikiek 4-1 galdu zuten Trintxerperen zelaian eta herrikoen gola Mattin Matak sartu zuen.

Euskal Ligako neskak Barakaldoren aurka 1-4 galdu zuten eta oiartzuarren gola Ohiana Celiguetak sartu zuen. Territorial neskek ere ez zuten punturik lortu Euskaldunaren aurka. 2-6 izan zen azken emaitza eta golak Laura Lujan eta Joane Sarriesek sartu zituzten. Ohorezko neska kadeteek Añorgaren aurka 0-6 egin zuten etxean. Futbol 8ko ohorezko neskek, berriz, 0-2 irabazi zuten Añorgaren aurka Ane Chancaren bi golekin. Haur 8ko neskek Allerruren zelaian jokatu zuten eta 8-2 egin zuten. Bi golak Godhavarik sartu zituen.

Areto futbolean, azkenik, berdinketarekin konformatu ziren OKEkoak. Anoetaren aurka jokatu zuten eta bina egin zuten Romain Larralderen bi golekin.

Asteburuko partidak

Asteburu honetan ere hainbat partida izango dira Ugaldetxon. Bihar 9:00etan hasita Haur Txikiek Real Unionen bisita jasoko dute; 11:00etan ohorezko haur 8 neskek Urolaren aurka jokatuko dute eta ordu berean ere haur 8 neskek Intxaurdiren aurka egingo dute. Hiru partidak Anexoan. Lehen mailako b kadeteek 12:45ean jokatuko dute Mariñoren kontra; A taldeko haurrek 15:30ean Touringen aurka eta, 16:00etan Karla Lekuona zelaian Ohorezko Erregional taldea Aretxabaletaren aurka.

Igandean partida bakarra egongo da: eguerdiko 12:00etan neskek Oliverren bisita jasoko dute.

Contenido Patrocinado

Fotos

Vídeos