Oiartzunera etorri berriei harrera egingo zaie bihar Abaraxka ludotekan

Elkar ezagutu eta informazio praktikoa trukatzea da asmoa

GARAÑO OIARTZUN.

Jakina da bizileku berri batera iristean dena berria eta ezezaguna dela hasieran. Horregatik, Oiartzunera etorri berriei harrera egingo zaie datorren larunbatean (hilak 15).

Egun hori Pertsona Migratzaileen Nazioarteko Eguna ere bada. Oraingo honetan, Abaraxka ludotekarekin elkarlanean antolatu dute saioa Udaleko Euskara eta Gizarte-Ongizate sailek. Batez ere, haurrak dituzten familia etorriberriengan propio pentsatuta egin da. 16:30ean elkartuko dira Abaraxka Ludotekan.

Elkar ezagutzeaz gain, Oiartzuni buruzko informazio praktikoa emateko eta jatorri ezberdinetako herritarrek gastronomia, jokoak eta musika konpartitzeko aukera izango dugu saioan. Etorriberriak zuzenean gonbidatu ditugu, baina edozein oiartzuarrek parte hartu dezake saio honetan, helburua herritar guztien arteko elkarbizitza eraikitzea baita.