Muduko jolasak ezagutzeko eta probatzeko aukera bihar, Abaraxka ludotekaren eskutik

Haurtzaro ikastolako gaztetxoen azoka solidarioa./GOIZARIN
Haurtzaro ikastolako gaztetxoen azoka solidarioa. / GOIZARIN

Gaztetxoentzako hitzordua arraltsadeko 17:00etan izango da

GOIZARINOIARTZUN.

Aste Santuko oporretarako kale ekintza saio bereziak antolatzen ari da Abaraxka udal ludoteka. Aurreko astean Abaraxkako plaza koloreztatzen aritu ondoren, gaur hilak 23 ipuin kontaketa izango da Maite Francoren eskutik. Hiru eta bost urte bitarteko haurrek dute hitzordua, ludotekan bertan.

Bihar, hilak 24, munduko jolasak ezagutzeko eta probatzeko aukera izango dute herriko gaztetxoek. Eta hilaren 25ean San Esteban parrokiako atarian elkartu ondoren, «barrura sartu eta bisitan zehar bertako organoa ikusi eta entzuteko aukera izango dugu», zehaztu dute antolatzaileek. Saioak arratsaldeko 17:00etan hasiko dira.

Etzi, hilak 25, 'Zuk' dokumentala ikusteko parada izango da. «Grezian errefuxiatuekin egondako oiartzuar batzuk izango ditugu haien bizipenak kontatzeko», adierazi du Neka Martiarena Abaraxka udal ludotekako koordinatzaileak. «Ikustaldia arratsaldeko 19:00etan hasiko da, udal areto nagusian», gaineratu du.

Harriak biltzera

Datorren ostiralean, hilak 26, herriko gaztetxoak Oiartzungo ibaiara joango dira harriak biltzera. Gero, ludotekan bertan margotuko dituzte. Azkenik, hilaren 27an izango dute amaierako zita. «Pisten jolasa egingo dugu argazkiekin», aurreratu du. Hitzordua ludotekan jarri dute arratsaldeko 17:00etan.

Ikusten den moduan, egitarau oparoa dute eskuartean herriko gaztetxoek. Ez dira berehala aspertuko, ez horixe!