Legegintzaldiko azken udalbatzarra, gaur

GOIZARIN OIARTZUN.

Gaur arratsaldeko 19:00etan hasita legegintzaldiko azken udalbatzarra egingo da udal areto nagusian. Hamazazpi puntuko gai zerrenda landuko dute zinegotziek. Besteak beste, aztertuko dituzte: Oiartzungo Udala eta Ibargain Musika Eskolaren arteko lankidetza hitzarmenak agindutako 2019 -2020 ikasturteko lehen ordainketa egitea; Oiartzungo udalerrian euskara sustatzeko jardueretarako dirulaguntzak arautzeko oinarri bereziak eta deialdiak onartzea; eta Gurutze, Karrika eta Ergoien auzoetan garraio zerbitzu publikoa emateko Udala eta Oiartzungo taxisten elkartearen arteko itunaren luzapena.