Lartaun Abesbatzaren kontzertu berezia Hipatia Lorategian

Josune Cousillas zinegotzia, koruko zuzendariarekin eta zuzendaritza batzordeko kideekin. /  GARAÑO
Josune Cousillas zinegotzia, koruko zuzendariarekin eta zuzendaritza batzordeko kideekin. / GARAÑO

Larunbatean izango da eta gaueko hamarretan jarri dute hitzordua

GARAÑO OIARTZUN.

'Maiteak galde egin zautan' izenburuarekin aurkeztu dute kontzertua, akustikoa izango dela aurreratu ere bai. Bertan, maitasun abestiak entzuteko aukera edukiko dute bertaratutakoek eta bi hizkuntzetan gainera, euskaraz eta gazteleraz. Tartean, Hego Amerikako abestiak sartu dituztela ere aipatu dute.

Oiartzungo Udalak Lartaunek urte luzetan egin duen lana eskertu nahi du modu honetan eta, horretarako, txoko polit hau aukeratu du: Hipatia Lorategia

Doan izango da saioa eta ordubete inguru iraungo du, hamarretan hasita. Bertan, esertzeko aulkiak jarriko dira eta herritarrei gerturatzeko gonbidapena zabaldu du Udalak. Eguraldi txarra eginez gero, udaletxeko pleno aretoan egingo da kontzertua.

Contenido Patrocinado

Fotos

Vídeos