KZgunearen erabiltzaile gehienak emakumeak dira

GARAÑO OIARTZUN.

Oiartzungo KZguneko bulegoa Madalensoron dago. Bertan, zenbait ikastaroren dohaineko zerbitzua eskaintzen da.

Ireki zenetik, 1.489 bisitari jaso ditu eta bertako langileek aipatu dutenez, gehienak emakumeak (%57,9) izan dira. Adin-tarteari begiratuz, gehiengoa 36-50 urte artekoak dira.

Ekaineko ikastaroetan, aldiz, gizonezkoen kopurua altuagoa izan da eta ikastaro arrakastatsuenak smartphone eta tableten ingurukoak izan dira. IT txartela ateratzeko azterketan %80a emakumezkoak ziren, ordea.

Gune hori dohainik eskaintzen da Eusko Jaurlaritzari esker eta Udalak propio horretarako utzitako lokal batean egiten da. Udalak herritarrak animatu nahi ditu KZ gunera hurbiltzeko. Harremanetarako 943 02 36 70 edo tutor.oiartzun@kzgunea.net dira bideak.

Contenido Patrocinado

Fotos

Vídeos