KZgunean ikastaro desberdinak izango dira urtarrilean eta otsailean

GOIZARIN OIARTZUN.

Oiartzungo KZguneak jakitera eman du zeintzuk izango diren hilabete honetarako antolatu dituzten ikastaroak. Bi formazio saio aurreikusita daude: Google aplikazioak zure kudeaketa pertsonalerako eta argazkiak.

Lehen ikastaroa, 'Google aplikazioak zure kudeaketa pertsonalerako', 16 ordukoa da. Hilaren 17an hasi eta 28an amaituko da. Euskaraz egingo den formazioa arratsaldeko 16:00etatik 18:00etara izango da.

Bigarrenari dagokionez, 'Argazkiak, zure argazki guztiak antolatu edozein gailutik', 4 ordukoa da. Hilaren 29 eta 30ean egingo da, euskaraz. Kasu honetan ere arratsaldez antolatu dute, 16:00etatik 18:00etara.

Otsaileko ikastaroak

Otsailari dagokionez, dagoeneko iragarri dituzte antolatu dituzten formazio saioak, lau hain zuzen ere. 'PC, teklatua eta sagua hasieratik nola erabili ikas ezazu' izango da lehen ikastaroa, 6 ordukoa. Gaztelaniaz egingo den formazioa otsailaren 1ean hasiko da eta 5ean amaitu, 09:00etatik 11:00etara.

Bigarren ikastaroa, 'Oinarrizko Interneta, nabigatzen eta posta elektronikoak bidaltzen ikasi', 20 ordukoa izango da. Otsailaren 6an hasi eta 19an amaituko da, goizeko 09:00etatik 11:00etara. Saioak gaztelaniaz egingo dira.

Hirugarren ikastaroa, 'LibreOffice Writer, zure testu dokumentuak sortu', 8 ordukoa izango da, euskaraz. Otsailaren 20an hasiko da eta 25ean amaitu. Saioak 9:00etatik 11:00etara izango dira.

Azkenik, 'Bapateko mezularitza zure Smartphone bidez' izango da laugarren ikastaroa. Lau ordukoa, otsailaren 26-27an egingo da, gaztelaniaz, goizeko 09:00etatik 11:00etara luzatuko delarik.

Informazio gehiago Oiartzungo KZgunean (Madalensoro plaza, 1) edo 943 023 670 telefono zenbakian.