Jexux Leonet Elizegi izango da EH Bilduren alkategaia 2019ko udal hauteskundeetan

Jexux Leonet. / GARAÑO
Jexux Leonet. / GARAÑO

GARAÑO OIARTZUN.

Jexux Leonet Elizegi izango da Oiartzungo EH Bilduren alkategaia 2019ko udal hauteskundeetan. EH Bilduk antolatutako prozesu parte hartzailean izena emateko epea agortuta, hautagaitza bakarrak Herriko Hauteskunde Batzordearen aho bateko babesa izan du. 2015ean udal hauteskundeetara alkategai aurkeztu zuen EH Bilduk. Orduan erronka honi gogoz eutsi zion. Ia 4 urte hauetan Jexuxek eta udal-talde guztiak egin duen lan bikainagatik eta hasitako bideari jarraipena emateko, berriz ere EH Bilduko Hauteskunde Batzordeak Jexux proposatu du alkategai, Oiartzunek dituen erronka eta proiektuak aurrera eramateko hautagairik onena delako. Ez da erronka makala, berriro legegintzaldi berri bati eustea, baina duela lau urteko ilusio berarekin hartu du eskaintza.

Karrikan jaiotako eta Elizalde auzoan bizi den oiartzuarra da Jexux. 50 urte ditu, CAF enpresako langilea da eta LABeko ordezkaria izana. Artaso elkarteko kide da gaztetatik eta herri mugimenduan ibilia, Independentistak sarean adibidez. Azken 4 urteetan Oiartzungo alkatea izan da.

Bestalde, EH Bilduren herri programa osatzeko lanak ere aurrera doaz. Udan arloz arloko diagnostiko saioak egin ziren eta orain eragileekin elkarbanatzen eta ekarpenak jasotzen ari da EH Bildu. Herritar rena izango den herri programa osatu nahi du, datozen 4 urteetako bidea eta proiektuak oiartzuar guztien artean zehaztu nahi ditu.

 

Fotos

Vídeos