Itturrirekin elkarlanean jarraituko du Udalak

Itturri Merkatari Elkarteko zenbait kide haren aurkezpen ekitaldian. / GARAÑO
Itturri Merkatari Elkarteko zenbait kide haren aurkezpen ekitaldian. / GARAÑO

35.240 euro bideratuko dizkio Udalak turismo, ekintzailetza, etxebizitza, enpresa eta enplegu kontzeptuetara bideratzeko

GARAÑO OIARTZUN.

Oarsoaldea Garapen Agentziaren estatutuak aldatzeko pausoa eman zuen uztaileko udalbatzarrean Oiartzungo Udalak, ahobatez. Helburua Oarsoaldea berezko baliabidea dela aitortzea izango da. Gai zerrendatik kanpo, garapen agentziari 2018ko orain arteko ekarpena egitea onartu zen: 335.240 euro bideratuko dizkio Udalak turismo, ekintzailetza, etxebizitza, enpresa eta enplegu kontzeptuetara bideratzeko.Itturri Merkatari Elkartearen eta Udalaren arteko hitzarmenaren berri ere eman zen. Horren baitan, aurten Oiartzunen bizi, Oiartzunen erosi kanpainaren baitan zozketak eta poltsak egingo dira. Horrez gain, 2019ko egutegia argitaratzea ere adostu zen.

28 kide elkartean

Gogoratu daiteke urteetan geldirik egon ondoren, eta Udalak 2016an herriko merkataritza txikia suspertzeko plangintza egiterakoan, herriko merkataritza txikiaren elkartea biziberritu behar zela ondorioztatu zela eta, une horretan, Itturri elkartea berriz jaio zela. Gaur egun, 28 kide ditu Itturri Merkatarien Elkarteak. Elkartetik diotenez, «Merkatariak elkarrekin hitz egiten, herrian zer egin daiteken aztertzen, eztabaidatzen eta erabakitzen hasiak gara. Herriari bizia ematen diote kaleetan dauden denda txikiek, herriko ekonomia bultzatzen dute, zerbitzu ona eskaintzen da herrian bertan, kalitatezko produktu eta zerbitzuak ditugu eta konfiantzazko arreta ere bai».

Bestalde, «herritarrei kontsumo ohiturez galdetu zitzaien merkataritza txikia suspertzeko plangintza egin zenean, eta inkesta 300 pertsonek erantzun zuten. %71,8k erantzun zuen astean behin gutxienez Oiartzungo tokiko komertzioan erosten zuela. Herritarren %68,2k, aldiz, astean behin gutxienez merkatal gune handiak bisitatzen ditu. Hala ere, herriko adineko herritarrek ohitura handiagoa dute herrian bertan erosteko. Inkestatuen %97k herriko komertzio txikiaren aldeko iritzia du, baina praktikan ez da ehuneko hori islatzen». «Bertako komertzioetan kontsumitzeak dituen abantailak nabarmendu nahi dugu. Izan ere, denda txikiek herriko ekonomia sustatzen dute, herrian bizitza egoteko ezinbestekoak dira. Kanpora barreiatzen den kontsumo gaitasuna herrian geratzeak dituen onurak herritar guztientzat direla ulertu behar dugu, herrian duinki bizitzea herritarron kontsumo erabakien menpe baitago. Aurreiritzi faltsuekin ere hautsi nahi dugu, komertzio txikia garesti denaren mitoa baitago, eta konparatzen hasiz gero, oso maiz ikusiko dugu hori gezurra dela», diote.

Contenido Patrocinado

Fotos

Vídeos