Haurtzaro mendi taldeak hilero ibilaldi bat antolatzen du

Rafting Bidarrai inguruan. /
Rafting Bidarrai inguruan.

GARAÑO OIARTZUN.

Haurtzaro Mendi taldea aurtengo ikasturtean ere oso fin aritu da eta hilabetero antolatu du ibilaldi bat. Hona hemen ikasturtean zehar egindakoaren errepasoa.

Urriaren 8an eman zioten aurtengo mendi irteerei hasiera. Igande hartan Artikutzako Trenaren eguna zen eta haren historia ezagutzeko ibilaldia prestatu zuten. Horrek Artikutzatik Errenteriarako bidea Oiartzundik barrena egiten zuen, trenbidea ezagutzeko mendi-ibilaldi bat egin zuten. Gainera, bidean aztarnen azalpenak eman zituzten. Zaldingo pilatosoro inguruan pilota erakustaldia egon zen eta handik, hamaiketakoa egin ondoren, Bianditz aldera abiatu eta tunela zeharkatuz, Eskasera iritsi ziren autobusa hartzera. Eguraldi bikaina izan zuten eta ederki aprobetxatu zuten egun erdia Artikutzako paradisua ezagutzeko.

Abenduan merezitako deskantxua hartu ondoren urteroko irteera nagusia egin zuten: Sonportera, eskiatzera. Aurreko urteetako arrakasta ikusirik, eskiaz gozatzeko aukera izan zuten nahi izan zutenek.

Gipuzkoako Mendi Federazioak aurtengo Eskolarteko XXXI. Mendi Lehiaketa Oiartzungo bailaran egitea proposatu zuen eta Girizia mendi taldeko kideek onartu egin zuten. Bi ibilaldi antolatu zituzten, bat motza (5,4 km) eta bestea luzea (7,7 km). Haurtzaro ikastolako adin guztietako haur eta parte hartu zuten.

Maiatzaren 6an rafting egitera joan ziren Bidarraira eta Iparraldeko Errobi ibaian rafting jaitsiera egin zuten. Oiartzundik autobusean abiatu eta Bidarraiko Artekako kirol ekintzetako gunean elkartu ziren. Bertan, arduradunek aurkezpena egin eta jaitsierako materiala banatu zieten (neoprenoak, txalekoak, kaskoa eta arraunak). Ondoren, haien garraioa erabilita, jaitsiera-abiapunturaino gerturatu ziren. Ontziak hartu zituzten taldeka eta Errobi ibaiaren jaitsierari ekin zioten.

Eta ikasturte amaierarako ere izan zuten beste sorpresaren bat Ikastolako partaide guztiak txundituta uzteko. Ekainaren 3an, Ikastolaren eguna ospatzeko, Ginkana mundiala antolatu zuten. LH 3.etik DBH 4. maila bitarteko ikasleek parte hartu zuten. Hasiera bizikleta gainean eman zioten eta bide bat osatu zuten. Bide hori betetzen joateko hainbat saio eta proba egin zituzten: tirolina, jolasak eta erreka jaistea, besteak beste.

Benetan azpimarragarria Haurtzaro mendi talde hau egiten ari den lana. Talde honetan ikastolako gurasoak daude. Esan behar da Haurtzaro ikastolako ikasleak eta gurasoak ere oso pozik daudela hilabetero antolatzen diren ekintza hauekin. Jarrai dezatela bide horretatik.

Contenido Patrocinado

Fotos

Vídeos